ANATOMÍA DUNHA OLLADA

Annie Leibovitz        Dise que as súas fotografías, sobre todo os seus retratos, marcaron a historia visual dos últimos setenta anos. Un impresionante portfolio dá conta da súa mestría na arte de capturar momentos, emocións e personalidades nunha única imaxe. Unha das características máis impresionantes do estilo Leibovitz é a súa capacidade para capturar a  esencia e a personalidade dos seus suxeitos. Os seus retratos séntense auténticos e revelan as capas internas das persoas que está a fotografar. A mestura de creatividade e técnica e un uso maxistral da luz, da cor, da composición e a conexión emocional entre o suxeito e o espectador son elementos que definen a súa obra e a converten nunha lenda viva da fotografía. Velaquí algunhas reflexións de Annie L . sobre fotografía... “Aprendín que algo que non parecía nada podía converterse en algo” “O teu traballo ten que significar algo para os demais” “A miña forma de afrontar a dor é facer fotos" “Obsérvoo tod...

Ramón Masats          O pasado 4 de marzo, deixounos, aos 92 anos, o artista catalán Ramón Masats , o fotógrafo do " instante decisivo " segundo dixo del o tamén fotógrafo Carlos Pérez Siquier  (para el, o Cartier-Bresson español). Formou parte  da xeración dourada da fotografía española, a dos anos 50. Nun momento en que a fotografía española se atopaba constrinxida e onde a imaxinación parecía xogar un papel secundario, coa súa obra, contribuíu  a renovar esta disciplina desde unha ollada en branco e negro, neorrealista. Coa súa habilidade especial para captar con sentido do humor a ironía das situacións constrúe o retrato de toda unha época.  Masats non tivo unha formación regrada. Dedicouse simplemente a mostrar ao mundo a súa visión persoal, a ofrecer un punto de vista que ninguén máis podía capturar.    "O meu estilo foi intentar facer cousas diferentes, a verdade é que eu tampouco sei ben en que consiste.   Eu fotografa...

  Mary Quintero    Naceu no ano 1931, en Melide. Foi a primeira fotógrafa en asinar unha exposición en Galicia e, durante moitos anos, a única muller presente nos congresos da industria fotográfica.   Recoñecida como a retratista galega máis prestixiosa da época, chegou a retratar a gran parte da sociedade viguesa... " Cincuenta retratros de mujer " (1950) e " Bellos rostros " (1963) son un bo exemplo do seu traballo.     O seu traballo foi innovador en moitos aspectos: .Pioneira en colorear con pincel o branco e negro da fotografía. .Situouse á vangarda (pioneira en España e Portugal) do uso de tecnoloxías como o proxector de fondos e nas técnicas de retoque fotográfico para a fotografía en cor.    Confesa Mary Quintero: "Antes as mulleres tiñamos que levar unha rixidez brutal seguindo as normas. Ser fotógrafa permitiume facer o que quería."

 "COLITA"         A naturalidade era o seu selo persoal. A fotografía, como unha enfermidade ou un vicio que nunca a abandonou, retratando todo o que a rodeaba sempre, sempre. Con máis de cinco décadas de profesión, toda unha vida, poucas son as persoas, os acontecementos ou os lugares que escaparon ao seu obxectivo   (Colita , unha vida chamada fotografía,  vídeo cunha interesante entrevista á autora) A súa fórmula para ser considerada unha das fotoperiodistas españolas máis importantes é moi sinxela: saber mirar . Así o explica ela:            “Imaxina que tes un eixo. Unha fotografía é cando, ao disparar, disparas co cerebro, cos ollos e co corazón. Dá igual o que teñas nas mans… Se ti traballas coa cabeza, cos ollos e co corazón ten que saír unha boa foto.    Se non te emocionas co que fas, entón es como unha especie de leituga cunha cámara. Téñome que emocionar co que fago. Se ...

Sion Fullana    "Contador de historias e narrador do cotián", como el mesmo se define, é un profesional da Narrativa Visual, nado en Manacor (1976), considerado como un dos artistas pioneiros a nivel internacional da revolución da fotografía móbil.    Das súas propias palabras, podemos deducir o que Sión entende por fotografía:    "A miña maior paixón, e na que trato de enfocar todo o meu traballo , é a arte de contar unha boa historia. Da miña formación en xornalismo, sei como captar a esencia máis real e honesta dun evento, suxeito, persoa ou un momento de vida na rúa, e como transmitir esa mensaxe con éxito. Por outra banda, cos meus estudos e paixón polo cinema, incorporo unha estética cinematográfica ao meu traballo, coa intención de crear historias e imaxes evocativas, que adquiren vida na mente da audiencia."

  Ouka Leele    É o nome artístico de Bárbara Allende Gil de Biedma, artista multidisciplinar moi coñecida polas súas obras nas que mestura fotografía e pintura cun estilo absolutamente único.    Como artista, formou parte da Movida madrileña  dos anos 80, corrente contracultural que xurdiu na época da Transición, despois da morte do ditador.    Cando comezou dedicábase exclusivamente á fotografía en branco e negro. Co tempo, introduciu a cor pintando directamente as copias con acuarela unindo as súas dúas paixóns: fotografía e pintura.    Un par de reflexións de Ouka Leele sobre fotografía: "Hai que facer o que che dea a gana, o que che saia cada día. O teu estilo es ti"   "O artista ten que innovar, anque conte o mesmo. Anque xa se teña falado de circo, tes que volver falar do circo con outra ollada"

"Anatomía dunha ollada fotográfica"    A mellor carta de presentación do inabarcable quefacer de ÓSCAR COLORADO é o seu propio blog ÓSCAR EN FOTOS    Unha vida dedicada a difundir, analizar e promover o goce da fotografía a través da cultura visual:  "Non podo deixar de confesar que unha das miñas paixóns é investigar, analizar e reflexionar a fotografía . Estou convencido de que vale a pena comprender un pouco máis os grandes mestres e ocuparnos da cultura visual e, de maneira máis específica, da cultura fotográfica"     O esquema da fotografía recolle información extraída do blog de ÓSCAR. 

 Ruth Matilda Anderson     Nada en Nebraska (1893), viaxou a Galicia en 1924 como fotógrafa para a Sociedade Hispánica de América .    Aquí conseguiu documentar a vida e os costumes das xentes en zonas de moi complicado acceso, e en especial de mulleres e nenos nun tempo no que ser protagonista feminina non era doado.      Ata ese momento tampouco as actividades da poboación traballadora do campo e do mar nin a cultura material de Galicia foran obxecto principal de atención para a fotografía dun modo tan exhaustivo.    Anque foi pioneira na concepción da fotografía como ferramenta de investigación e construción científica, defendia o elevado potencial da imaxe fotográfica para transferir e suscitar emocións: "A fotografía é unha técnica precisa e complexa, anque extraordinariamente dotada de vida e cualidades orgánicas, capaz de reflectir as condicións e circunstancias en que foi realizada e portadora de significados non visibles e...

Alberto Schommer      Fotógrafo moi coñecido, entre outros, polos seus " retratos psicolóxicos "...     A súa forma de tratar os retratos tivo unha enorme repercusión durante os anos 70 e 80 e as súas fotos acabaron converténdose nunha especie de reportaxe visual da transición española .    Fala da fotografía como dunha arte á mesma altura cás outras artes; da fotografía subxectiva, psicolóxica, simbólica como produto da emoción...    Recollemos aquí unha das súas reflexións sobre o feito fotográfico: "A arte fotográfica sempre debe demostrar algo. Ten a obriga de mostrar ou descubrir novas formas plásticas. Retrata a realidade ou a interpreta segundo a súa libre fantasía. O fotógrafo pode, incluso, adiantarse aos momentos presentes e aportar imaxes de grande interese no plano psicolóxico..."  

 Carlos Bosch    O 23-xuño do 2020, nun titular podía lerse: Morre Carlos Bosch , o fotógrafo arxentino que fixo da noticia cotiá unha arte. O seu retrato de Dalí postrado no hospital, o de Cortázar pouco antes do seu pasamento e feitos como de facerse pasar por falanxista en Madrid durante tres anos co único obxectivo de retratar a realidade da transición española, entre outros, fixérono famoso. Deixo aquí algunhas das súas reflexións sobre fotografía "Cando fago unha foto, non a fago polo que van dicir ou non van dicir. Fágoas para comunicar o que me pasa a min e que se entenda" "A fotografía é testemuñar, costruír memoria e para iso o fotógrafo sempre toma unha posición que é política, moral ou ética... Un saca o que pensa da realidade"

 Carlos Saura     É unha figura importante da historia do cinema español, pero antes de dedicarse ao cine, xa descubrira o valor da fotografía como testemuña e como lugar para a memoria... Ela foi unha das súas grandes paixóns.    As súas fotografías eran expresionistas e cotiás, recollían a vida dos lugares que o rodeaban. Reparaba en detalles, rostros, nas sombras, nas paisaxes... algo así como se construíse un dos seus fantásticos documentais, pero sen son.     Deixo aquí unha das súas reflexións...    "A fotografía é algo terrible, un dos inventos máis maquiavélicos da historia da humanidade porque, dalgunha maneira, cada vez que disparamos unha cámara o que obtemos e gardamos é xa pasado, o cal é bastante desacougante. É o tremendo da fotografía, que fala de tempos que xa non volverán"

Cristina Otero    Nada en Pontevedra, no ano 1995 é unha artista e fotógrafa galega internacionalmente coñecida, sobre todo, polos seus autorretratos .  Desenvolve unha intensa actividade en redes sociais . Nunha entrevista realizada para o xornal La Vanguardia,  podemos ler: "Descubrín a fotografía como algo máis alá que unha simple captura de recordos... Ao final penso na fotografía, e máis concretamente no autorretrato, que é no que estou especializada, como unha conversa comigo mesma. Un cara a cara. Mirarse ao espello e ter unha conversa profunda"

Manuel Ferrol    É un fotógrafo galego, nado en Cabo Vilán, Camariñas, no ano 1923. Morreu no 2003. Internacionalmente é coñecido como o fotógrafo da emigración e está considerado como un dos grandes fotógrafos do s.XX. <<Ferrol emprega unha linguaxe concisa e directa, ao servizo dunha mensaxe cargada de profundo patetismo: rostros desenfocados, composición heterodoxa, figuras fóra de foco, luces saturadas... Todo un conxunto de erros e carencias técnicas que non só non mermaban a eficacia narrativa das fotografías senón que incluso enfatizaban o seu dramatismo>> diría da fotografía de Manuel Ferrol, Publio López Mondéjar en 150 años de fotografía en España. Do propio Manuel Ferrol quédanos a seguinte reflexión: "Sentín a necesidade de reflexar o que sentía, en ningún caso o que vía"

Elliott Erwitt     Nado en París (26 de xullo de 1928) é un fotógrafo estadounidense. Traballou para os máis importantes medios de prensa. A súa calidade artística e o seu grande impacto comunicacional situárono nun lugar moi destacado entre os fotógrafos do s. XX.  É moi coñecido polas súas fotos en branco-negro cheas de ironía e situacións absurdas en escenarios cotiáns... Membro da MAGNUM PHOTOS desde 1954. Atribúese a Elliot Erwitt a seguinte reflexión:  "A fotografía é unha arte de observación. Ten pouco que ver coas cousas que ves e todo que ver coa forma en que as ves"